Футбол бўйича Англия премьер-лигасининг навбатдаги 12-тур учрашувлари кутилмаган ҳодисаларга бой бўлди. 

Ливерпулда ўтказилган “Ливерпуль” ва “Кристал Пэлас” жамоалари ўртасида бўлиб ўтган ўйин муросасиз кечди. Учрашувнинг 21-дақиқасига келиб мезбонлар жамоаси дарвозаси Янник Боласье томонидан ишғол қилинди. Шундан сўнг, “Ливерпуль” ҳужумга зўр берди.
Биринчи бўлим охирларига келиб, Филиппе Коутиньонинг киритган тўпи мезбонларни бироз тинчлантиргандек бўлди. Жамоалар танаффусга дуранг натижа қайд этиб, чиқиб кетишди.

Иккинчи бўлимда эса “Кристал Пэлас” ўйинчиси Скотт Даннинг урган голи барчасига якун ясади. “Ливерпуль” ўз уйида, майдондаги 44 115 нафар томошабин қаршисида мағлубият аламини тортди — 1:2.

Премьер-лигаининг бошқа учрашувларида қуйидаги натижалар қайд этилди:

“Арсенал” (Лондон) — “Тоттенхэм” (Лондон) 1:1
Голлар: Гарри Кейн 32, 0:1. Киран Гиббз 77, 1:1. 

“Астон Вилла” (Бирмингем) — “Манчестер сити” (Манчестер) 0:0