Буюк Британия ТИВ тарқатган хабарномага кўра, расмий Лондон Россияга А321 самолёти ҳалокати юзасидан мамлакат разведкаси тўплаган материаллар хулосалари акс этган ҳужжатни етказган. Бу ҳақда РИА Новости агентлиги хабар бермоқда.

“Одатда биз разведка билан боғлиқ масалаларга изоҳ бермаймиз, - деди идора вакили. – Шунга қарамай, биз қўлимиздаги ахборотга асосан қарор қабул қилдик. Илгари бош вазир ва ТИВ раҳбари баён қилганидек, Россия авиалайнери портловчи ускуна туфайли ҳалокатга учрагани эҳтимоли жуда юқори. Биз ўз хулосаларимизни ҳамкорларимизга, шу жумладан Россияга тақдим этамиз. Ахборотнинг бир қисми махфий саналади, аммо биз имкони бўлган барча материалларни етказамиз”.