Фарғона водийси Ўзбекистоннинг бошқа ҳудудларига нисбатан сейсмик фаол нуқта ҳисобланади. Бу ҳақда ЎзФА Сейсмология институти лабораторияси раҳбари Турдиали Ортиқов айтиб ўтди.

“Институтимизнинг олимлар жамоаси мамлакатимиздаги бир қатор сейсмик фаол ҳудудларини аниқлашган, - деди у “Даракчи” мухбири билан суҳбатда. – Масалан, Фарғона водийси нисбатан сейсмик фаол ҳудудлардан саналади. Чунки бу ерда тектоник ҳаракат ер сатҳининг юқори қатламларида рўй беради. Масалан, 1902 йилда Андижонда ер сатҳининг юқори қисмида 6.4 балл магнитудали ер қимирлаши кузатилган ва шаҳар деярли вайронага айланган. Зилзиланинг интенвислик даражаси 9 баллдан кўпроқни ташкил қилган”.