Иқлим соҳаси мутахассислари глобал исишнинг таъсири натижаларини ўрганиб чиқишди. Олимларнинг сўзларига кўра, ҳаво ҳароратининг кичик миқдорда ўсиши ҳам дунёдаги йирик мегополисларнинг сув остида қолиб кетишига сабаб бўлиши мумкин.

Американинг климатология маркази ходимлари ўрганиши бўйича глобал исиш натижасида Лондон, Шанхай, Нью-Йорк, Сидней ва бошқа мегополис шаҳарлар сув остида қолиш хавфига эга бўлиши мумкин.

«Цельсий шкаласи бўйича ҳаво ҳароратининг ўртача иссиқлик даражаси 2 градусга кўтарилса, бир қатор йирик шаҳарлар чўкиб кетиш хавфи остида қолади», – дея гапириб ўтди тадқиқот гуруҳи раҳбари Бен Стросс, климатология марказий сайтида.

Тадқиқотчиларнинг фикрига кўра, бу хавфли ҳолат эмас. Агар ер шарининг ўртача ҳарорати 4 даражага исийдиган бўлса, бунинг натижасида келиб чиқадиган офатлар натижасида 600 миллион киши ҳалок бўлиши мумкин. Бундай вазиятда денгиз суви баландлиги тахминан 10 метрни ташкил қилади.

Глобал исиш БМТнинг Париждаги саммитида бош мавзу сифатида кўриб чиқилади. Саммит 30 ноябрь-11 декабрь кунлари бўлиб ўтади.