Сурия Қуролли кучлари Сурия шарқида ИШИДнинг 58 нафар жангарисини йўқ қилди, деб хабар бермоқда маҳаллий ОАВларга иқтибос келтирган ҳолда РИА “Новости” ахборот агентлиги. 

Таъкидланишича, ҳарбийлар Дайр-аз-Заур яқинидаги авиабазага жангариларнинг ҳужумини қайтаришга муваффақ бўлганлар. Жангарилар бундан аввалроқ ҳам авиабазани эгаллаб олмоқчи бўлган.

Жангарилар, шунингдек, Сурия ва Ироқ чегарасидаги шаҳарларга ҳам бир қатор ҳужумлар уюштирган.