Туркия Республикаси Иқтисодиёт вазирлигининг Экспорт бош бошқармаси бошлиғи Вейсел Парлак раҳбарлигидаги Улудағ Экспортчилар ассоциацияси Автосаноат экспортчилари уюшмаси аъзоларидан иборат делегация юртимизга ташриф буюрди.

Мазкур делегация таркибида Туркия Автосаноат экспортчилари уюшмасига аъзо 15та фирма вакиллари ҳам ўрин олган. Улар иштирокида 2015 йил 9 ноябрь куни Тошкент шаҳридаги “Гранд Мир” меҳмонхонасида семинар ва икки томонлама музокаралар шаклида бизнес форум (В2В) бўлиб ўтади.

Жумладан, тадбирлар доирасида Улудағ Экспортчилар ассоциацияси Автосаноат экспортчилари уюшмаси, “Ўзавтосаноат” АК, Ўзбекистон Савдо-саноат Палатаси тақдимотлари ҳамда ўзбек-турк компаниялари вакиллари ўртасида икки томонлама музокаралар ташкил этилади.