Volkswagen концерни шеф-дизайнери Вальтер де Сильва ноябрь ойининг охирида истеъфога чиқади. Бу ҳақда вазиятдан хабардор манбаларга таянган ҳолда Automotive News нашри хабар бермоқда.

Де Сильва охирги 9 йил мобайнида машиналар дизайнини ишлаб чиқишга раҳбарлик қилиб келди, унинг автомобиль саноатидаги умумий меҳнат стажи эса 42 йилга тенгдир. Дизайнернинг истеъфоси, маълумотларга қараганда, унинг пенсия ёшига етиши билан боғлиқ – 2016 йил февралида де Сильва 65 ёшга тўлади.

Бошқа маълумотларга қараганда, мутахассис концернни кенг миқёсли реструктуризация натижасида тарк этади.
Охирги бир неча ой мобайнида компанияни бош директор Мартин Винтеркорн, маркетинг ва сотувлар бўйича директор Кристиан Клингерлар тарк этишди.