Форс кўрфази давлатлари ялпи ички маҳсулоти ўсиши нефть нархининг тушиши сабабли 2015 йилда 3,2 фоизгача пасаяди, бу давлатлар бюджетлари 275 млрд доллар зиён кўради, уларнинг дефицити 12,7 фоизни ташкил қилади. Бу ҳақда Халқаро валюта жамғармаси ижрочи директори Кристин Лагард 8 ноябрда Қатарда бўлиб ўтган Форс кўрфази араб давлатлари ҳамкорлик кенгаши йиғилишидаги нутқида айтиб ўтди.

Лагарднинг айтишича, ушбу минтақа давлатларининг ЯИМ ўсиши 2015 йилда 3,2 фоизгача ва 2016 йилда эса 2,7 фоизгача камайиши прогноз қилинмоқда.

Бироқ бу давлатларда яратилган “буфер жамғармалар” (захира жамҳармалари) “даромадга оид сиёсатга бирданига тузатиш киритиш заруратидан қочишга” ва давлатлар томонидан ўз зиммасига олинган ижтимоий вазифаларни бажаришга имкон беради.

Эслатиб ўтамиз, Форс кўрфази давлатларига нефть бозоридаги энг йирик иштирокчилар –Баҳрайн, Кувайт, Уммон, Саудия Арабистони, Қатар ва БАА киради.