Чайқовчилар Ўзбекистон-КХДР учрашуви чипталарини 2 баробар қимматга сотишмоқда

Спорт 10 Ноябрь 2015 11769

6 ноябрь кунидан бошлаб Ўзбекистон - КХДР терма жамоалари ўртасидаги учрашув учун чипталар сотувга чиқарилган, барча секторлар учун чипталарнинг нархлари 15 000 сўм қилиб белгиланганди.

Аммо мухлислардан тезроқ ҳаракат қила оладиган олибсотарлар чипта чиққан куннинг ўзидаёқ марказий секторларнинг чипталарини кўтарига сотиб олишгани ва чипталарни ики баробар қимматига пуллашаётгани маълум бўлмоқда.

Хусусан, фейсбук ижтимоий тармоғидаги "Maslahat.uz" гуруҳида қолдирилган постда айтилишича, мухлислар "Пахтакор" стадионидан чипта олмасдан қайтишмоқда.

"Маълумки, 12 ноябрь куни футбол бўйича Ўзбекистон терма жамоаси Шимолий Корея термасини қабул қилади. Бу ўйинда албатта ғалаба қозонишимиз шарт. Бунда мухлислар билан лиқ тўла стадионнинг кўмаги ҳам ёрдам беради. Демак, нима қилиб бўлса ҳам 12 ноябрь куни стадион томошабинлар билан тўлган бўлиши керак.

Бугун билет олгани "Пахтакор" стадионига боргандим. Тўғриси, билет олмай қайтиб келдим. "Пахтакор" метросидан чиқишингиз билан, стадион томонда иккита пластмасса стол устида, кўчада билет сотилаяпти. марказдаги 12 ва 13 секторга билет борми десам, йўқ дейишди. Лекин сотувчиларнинг ёнида турган йигит менда бор, деди. Олдига бориб қизиқувдим, 25-30 минг деди. Лекин хайрон қолганим, билетда нархи 15 000 сўм деб кўрсатилган эди. Уларни назорат қиладиганлар борми? Бунақада стадион тўлмай қоладику? Ёки стадион ҳам тўлади, бировларнинг чўнтаги ҳам тўлади. Ватанпарварлик туйғуси остида даромадли бизнес, олиб-сотарларнинг мўмай даромади...", дея куюнчаклик билан ёзади мухлис.

Айни вақтда СИП деб аталувчи сектордаги ўринлар учун чипта нархи эса 50 000 сўмдан ошгани айтилмоқда. Расмий кассаларда асосан дарвоза атрофидаги ва чекка секторлар учун чипталар ўз нархида сотилмоқда.

Қайд этилишича, чипталар сотилмай қолса, чайқовчилар бундай чипталарни расмий кассаларга қайтариб беришади ва сотиб олган суммаларини қайтиб олишади.

Шунингдек, Спорт телеканалининг "Футбол шарҳи" кўрсатуви учун яширин камера орқали олинган лавҳаларда чайқовчилик жараёнлари кечаётган "кўчма кассалар"ни кўриш мумкин.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 94121 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46078 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51344 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9176 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20023 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 141 Жаҳон
Барселонада “Европанинг исломлашувига” қарши намойиш тарқатиб юборилди
00:40 531 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 389 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1314 Жаҳон
Кўпроқ янгиликлар