Иқтисодий ҳамкорлик ва ривожланиш ташкилоти ўтказган тадқиқот натижаларига қараганда, спиртли ичимликлар ичиш ҳажмининг энг юқори даражаси Литвада қайд қилинган. Бу мамлакатнинг ҳар бир фуқароси йилига 14 л спиртли ичимлик ичади, деб ёзади Британиянинг Independent нашри.

Ундан кейинги ўринларда Австрия, Эстония ва Чехия турибди – уларда ҳар бир киши 11-12 л спиртли ичимлик истеъмол қилади. Бешинчи ўринни Россия эгаллади.
Рейтинг охирида Индонезия турибди – ушбу давлат аҳолиси деярли ичмайди. Энг хушёр давлат рўйхатида ундан кейинги поғоналарни Туркия, Ҳиндистон ва Исроил банд қилди (ўртача 1-3 л).

Ташкилот тадқиқот доирасида турли давлатларнинг бу борадаги 2000 йилги кўрсаткичларини 2013 йил маълумотлари билан қиёслаб чиқди.
Таҳлилда таъкидланишича, ижтимоий-иқтисодий жиҳатдан қуйироқ мақомда турган эркаклар бошқаларга нисбатан кўпроқ ичишади. Аёлларда эса тескари тенденция кузатилади.