Испаниялик докторни ғойиб бўлганидан 20 йил ўтиб, Италия ўрмонидан тирик ҳолатда топишди, деб хабар бермоқда Sky News.

Карлос Санчес Ортиз де Салазар “кир босган юз ва қалин соқоллари” билан Тосканадаги ўрмондан икки ҳафта муқаддам топилди. Уни қўзиқорин тергани борган икки киши учратиб қолган.

Доктор уларга паспортини кўрсатган ва “Мен испанман, исмим Карлос. Бу ерда 1997 йилдан буён яшайман”, деб айтган. У одамлар орасида яшашни истамаган, аммо ҳозир ўрмондан кетиш истаги борлигини қўшимча қилган.

У Севилядаги уйидан 1995 йилда чиқиб кетган ва 2011 йилда расмий равишда ҳалок бўлган, деб топилган.

Унинг оиласи Карлосни учратиш учун ўрмонга боришди, аммо доктор яна ғойиб бўлди. Ота-онаси унинг паспортини кўриб, у айнан уларнинг ўғли эканлигини тасдиқлашди.