Республикачилар партиясидан АҚШ президентлигига номзод Жеб Буш ўтмишга қайтишга имкон туғилганида, Адолф Гитлернинг гўдак вақтидаёқ ўлдиришга тайёр эканини маълум қилди. Бу ҳақда сиёсатчи The Huffington Post нашрига берган интервьюсида сўзлаб берган.

“Жин урсин, мен бу ишни қилар эдим!” – деди у. Бушнинг қайд этишича, бундай ҳаракат, назарий жиҳатдан инсоният тарихига мислсиз оқибатларни олиб келар эди.
Шу билан бирга, у ёш Гитлер ёқимтой бола бўлганида ҳам бу ишни бажарган бўлишини қўшимча қилди.

“Бу бошқаларга салбий таъсир кўрсатганида ҳам шу ишни қилардим – ахир у Гитлер”, - дейди республикачи.
Аввалроқ Республикачилар партиясидан АҚШ президентлигига номзодлардан бири Дональд Трамп Жеб Бушга президентлик пойгасидан чиқиш ҳақида ўйлаб кўришни маслаҳат берган эди.