Россияликларнинг нафақат Мисрга, балки бошқа хавфли давлатларга парвоз қилишларини тақиқлаш имконияти Россия бош вазири Дмитрий Медведев ўтказган йиғилишда муҳокама қилинди, деб хабар бермоқда “Коммерсант” газетаси Россия давлат муассасаларидаги манбага иқтибос келтирган ҳолда.

Россия 6 ноябрь Москва вақти билан соат 20.00дан Мисрда А321 самолёти фалокатга учраши сабаблари аниқлаштирилмагунча Миср билан авиаалоқани тўхтатди. Россия президенти Владимир Путин эса Мисрда қолаётган россияликларга уйларига қайтишда ёрдам кўрсатиш вазифасини юклади. Шунингдек, Путин 8 ноябрда Россия авиакомпанияларига 8 ноябрдан Мисрга йўловчиларни ташишни вақтинчалик тўхтатиш ҳақидаги қарорни имзолади.

Газета манбасининг фикрича, Миср билан авиаалоқа анча муддатга тўхтатилган.

“Миср билан авиаалоқага тақиқлов 1-2 ойга эмас, бир неча йилларга чўзилади”, деб айтмоқда манба.

Манбанинг таъкидлашича, бундай тақиқловлар “бошқа давлатларга нисбатан ҳам киритилиши мумкин”.