Литва мамлакат мудофаа тизимини янада кучайтириш мақсадида АҚШдан 84 дона Stryker зирҳли машинасини сўради. Бу ҳақда Defence News хабар бермоқда.

АҚШнинг мудофаа соҳасидаги ҳамкорлик агентлигининг маълум қилишича, 30 мм пушкага эга М1126 версияли Stryker зирҳли машиналари Литва мудофаа салоҳиятини оширишга хизмат қилади.
Маълум қилинишича, зирҳли машиналарнинг бир партияси 599 миллион долларга баҳоланган.

Литва кейинги йил учун мудофаа бюджетини 35 фоизга, яъни 574 миллион еврога оширган эди.