10 ноябрь куни Тошкентда Ўзбекистондаги ва минтақадаги биринчи Политехника музейи очилиши маросими ўтказилди. Бу ҳақда uznews.uz нашри хабар берган.

"Маълумки, санъат музейи, тарих музейи, адабиёт музейи, тиббиёт музейи, уй музейлари бор. Бу музей эса транспорт ривожланиши тарихи, фан ва техника, буюк олимлар ихтироларига бағишланган", дейилади хабарда.

Ўзбекистондаги ва минтақадаги биринчи Политехника музей ўз ташрифчиларини ҳайратга солишни мақсад қилган.

Музей экспозицияси учта бўлимдан иборат, булар: "Жаҳон автомобилсозлик тарихи", "Ўзбекистон автомобиль соҳаси тарихи" ва "Интерактив амалиёт".

Бу музей Тошкент шаҳри марказида жойлашган. ("Ўзавтосаноат" компаниясининг янги биносида, Ориентир - "Билайн" бош офиси).

Музейнинг иш режими қуйидагича:

1-қават ("Жаҳон автомобилсозлик тарихи", "Ўзбекистон автомобиль соҳаси тарихи") - соат 10:00дан 18:00 гача, чипта нархи - 5000 сўм (экскурсия хизмати бир киши учун 1500 сўм).

2-қават ("Интерактив амалиёт") - сеанслар 10:00, 12:00, 14:00, 16:00да, чипта нархи 15 минг сўм.