Роберт Де Ниро Россия фуқаролиги олишга қарши эмаслигини айтди

Маданият 10 Ноябрь 2015 2519

“Оскар” ва “Олтин глобус” киномукофотлари соҳиби, Голливуднинг машҳур актёрларидан бири Роберт Де Ниро Москвада ўзининг янги ресторанини очди. Шу муносабат билан у россиялик журналистлар билан суҳбатлашди. Америкалик актёр Москвага Nobu ресторанлар тармоғи эгаларидан бири сифатида келди.

Де Ниро журналистлар билан суҳбатга яхши кайфиятда келди, улар билан суҳбат чоғида кўп табассум, ҳазил-мутойиба қилди.

Охирги пайтда кўплаб хорижий артистлар, спортчилар, хонандалар Россия фуқаролиги олишни сўрашмоқда. Де Ниродан у ҳам бундай йўл тутиши эҳтимоли бор-йўқлигини сўрашганда “Эҳтимол, мен Россия фуқаролигини олишни истарман. Бу мураккаб вазият, ўйлаб кўриш керак, олдиндан ҳеч нарсани айтиб бўлмайди”, деб айтди. 

Шунингдек, актёрдан у Россия ёшларига қандай маслаҳат берган бўлиши мумкинлиги ҳақида сўрашди. “Мен ҳаммангиз йиғилиб, тўғри ишлар билан шуғулланишингизни, барча бемаънигарчиликларни ортда қолдириб, дунёни яхшироқ қилишингизни истардим. Биз барчамиз баҳслар тўхташи учун бирлашишимиз, бирга ишлашимиз лозим”, деб айтди Де Ниро.

Де Ниро шунингдек, чучвараларни яхши кўришини, бироқ уларни тайёрлашни билмаслигини айтди. Де Ниродан бўш вақтини ресторан бизнесидан бошқа яна нимага бағишлашни исташи ҳақида сўрашганда у “Кўп нарса билан шуғулланишни истардим, бироқ бунга вақт топишим даргумон”, деб жавоб берди.

Де Ниро ҳозирда 72 ёшда. Жаҳон киносанъатининг етакчи актёрларидан ҳисобланади. “Чўқинтирган ота”, “Ёвуз кўчалар”, “Таксичи”, Қутурган ҳўкиз”, “Комедия қироли”, “Ота-она билан танишиш” каби кўплаб машҳур фильмларда роллар ижро этган.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар