Португалия терма жамоаси ва "Реал" клуби ҳужумчиси Криштиану Роналду келажакда ФИФА президентлиги учун курашиш нияти йўқлигини айтиб ўтди. Унинг сўзлари Рейтер нашрида келтирилган.

"Мен ўз савиямни паст баҳоламоқчи эмасман. Аммо ФИФА президентлиги учун курашишга лаёқатим етмаслигини тан оламан. Келажагим мени ташвишга солмайди. Жисмоний ҳолатим яна кўп йиллар давомида юқори савияда тўп суриш имконини беради.

Узоқ келажак ҳақида гапирадиган бўлсам, менда ФИФА президенти бўлишдан кўра қизиқроқ лойиҳалар мавжуд", - дейди Роналду Лондонда ўзи иштирокидаги ҳужжатли фильм премьерасидан олдин.