Toyota SF-R митти купесининг сотувга мўлжалланган версияси 1.2 л ли 4 цилиндрли турбомотор билан таъминланади. Motoring нашрининг эслатиб ўтишича, унинг прототипи Токио автошоусида намойиш этилган эди.

Апрелда дебюти бўлиб ўтган двигатель 116 от кучига эга бўлиб, ёқилғининг бевосита пуркалиши асосида ишлайди. Шунингдек, у махсус VVT-iW газ тақсимотини ўзгартириш тизимига эга, бунинг натижасида мотор кичик юкламаларда Аткинсон силсиласи бўйича ишлайди.

Куч қурилмасининг термик фойдали иш коэффициенти 36 фоизга тенг бўлиб, ёқилғи сарфи 4.7 л/100 км га тенг.
Бундан ташқари, купе 130 от кучига эга 1.5 л ли мотор билан таъминланиши мумкинлиги айтилган эди. Машинанинг бундай версияси фақат Япония ички бозори учун чиқарилиши мумкин.

Турбомоторли версия эса асосан АҚШ ва Европа бозори учун мўлжалланади. Ҳар иккала двигатель Aisin компаниясининг 6 босқичли механик ўтказмалар қутиси ёки вариатор билан уйғунликда ишлайди.
Купе массаси минг кг дан ошмайди.
Toyota SF-R купеси 2018 йили сотувга чиқарилиши кутилмоқда. Унинг нархи тахминан 20 минг долларни ташкил қилади.