“Паспорт столи”: Нобиометрик паспортларнинг амал қилиш муддати узайтирилмайди

Ўзбекистон 11 Ноябрь 2015 29235

Маълумки, 2011 йил 5 январда Президентимизнинг “Ўзбекистон Республикасида паспорт тизимини такомиллаштиришга доир қўшимча чора-тадбирлар тўғрисида”ги Фармони қабул қилинган эди. Унга мувофиқ, 2015 йилнинг охирига қадар юртимизда янги паспорт тизими жорий этиладиган бўлди.

Мана, белгиланган охирги муддатга ҳам тобора яқинлашиб бораяпмиз. Аммо халқ орасида, интернет ва ижтимоий тармоқларда нобиометрик паспортларнинг амал қилиш муддати яна 14 ойга, яъни 2016 йилнинг 31 декабрига қадар узайтирилар экан, деган мазмундаги турли гап-сўзлар кенг тарқалди. Шу каби миш-мишларнинг қанчалик асосга эга эканини аниқлаш мақсадида пойтахтимиздаги бир неча “паспорт стол”ларига бориб, у ердаги ҳолатни ўргандик.

Жумладан, кеча – 10 ноябрь куни Чилонзор тумани ИИБ Хорижга чиқиш-келиш ва фуқароликни расмийлаштириш бўлимига бордик. Асосий дарвозадан ҳовлига киришимиз биланоқ «Саноат-қурилиш банки» шохобчаси эшиги олдида навбат кутиб турган 15-20 кишига кўзимиз тушди. Соат 14дан бир оз ўтган, банклар учун тушлик вақти бошланганига қарамасдан, фуқаролардан биометрик паспорт олиш учун тўловлар қабул қилинаётган экан.

Ҳужжатлар қабул қилиш хоналарига йўл оламиз. Бу ерда ҳам 15-20 киши қўлларида навбат рақами туширилган талонларни ушлаган ҳолда ҳужжатларини қабул қилиб олишларини кутишмоқда. Паспорти чиққанлар эса навбатсиз кириб, уларни олиб кетишаяпти. Хуллас, умумий ҳолат биз тасаввур қилгандек бўлиб чиқмади.
Сўнгра Чилонзор тумани ИИБ Хорижга чиқиш-келиш ва фуқароликни расмийлаштириш бўлими ходимлари билан учрашиб, миш-мишларнинг қанчалик асосга эканини сўрадик.


“Ундай гап йўқ, кўриб турибсиз, одамлар янги биометрик паспорт олиш учун ҳужжатларни бир куннинг ўзида расмийлаштириб кетишаяпти, 2015 йилнинг 31 декабригача барча биометрик паспорт олишга улгуриши мумкин”, - деди суҳбатдошимиз. Унинг сўзларини Kun.uz сайтининг соҳага алоқадор юқори лавозимли ахборот манбаси ҳам тасдиқлаб, нобиометрик паспорт олиш муддатининг узайтирилиши тўғрисидаги хабарларни инкор қилди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14565 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11574 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47107 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8466 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 380 Жамият
Макка шаҳридаги меҳмонхоналардан бирида ёнғин чиқди
16:40 2194 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 2393 Lifestyle
Кўпроқ янгиликлар