2016 йил БМТ томонидан Халқаро дуккакли-ғалла экинлари йили деб эълон қилинди.
Хабарномада таъкидланишича, дуккакли-ғалла экинлари, шу жумладан, ловия ва нўҳатнинг барча турлари арзон ҳамда оқсил ва фойдали микроунсурларга бой маҳсулот ҳисобланади. Улар Лотин Америкаси, Африка ва Осиёда муҳим озиқ-овқат маҳсулоти саналиб, айрим минтақаларда ҳатто аҳолининг асосий истеъмол маҳсулоти ҳисобланади.

“Улар асрлар мобайнида инсон тановулининг рационининг муҳим қисми бўлиб келган, - деди БМТ озиқ-овқат ва қишлоқ хўжалиги ташкилоти директори Жозе Грациану да Силва. – Уларнинг озиқ қиймати юқорилигига қарамай, кўпинча айрим жамиятлар уларга паст баҳо берадилар”.

“Дуккакли-ғалла экинлари озиқ-овқат етишмаслиги, очарчилик, экология, инсон соғлиғини яхшилаш муаммоларини ҳал этишга муҳим ҳисса қўшиши мумкин”, - деб таъкидлади БМТ бош котиби Пан Ги Мун ўз мурожаатида.