Brabus тюнинг-ательеси 700 Сoupe номини олган “кучлантирилган” Mercedes-Benz GLE Coupe 63 AMG S кроссоверини ишлаб чиқди. Унинг тақдимоти Дубайдаги моторшоуда ўтказилди.

Машинага карбонли аэродинамик кузов илгаклари, дефлекторлар, орқа диффузорлар қўшилди. Бундан ташқари, кроссовер 23 дюймли алюминийли ғилдирак дискларига ва Airmatic пневматик илгагига эга бўлди.

Салонда ҳаво ранг тери тортилган ўриндиқлар алюминийли эшик қулфлари ва педаль уламалари пайдо бўлди.
Brabus 700 Сoupe 5.5 л ли V8 твин-турбо агрегати билан таъминланган бўлиб, унинг қуввати 585 от кучидан 700 от кучига етказилди.
Кроссовер 4 секундда 100 км/соат тезликка эриша олади. Максимал тезлик 300 км/соатни ташкил қилади.