Россиянинг Бурятия республикасида, Гусиноозёрск шаҳрида яшовчи эркак полициячига 100 рубль пора беришга урингани туфайли колонияда ўташ шарти билан 3 йиллик қамоқ жазосига маҳкум этилди. Бу ҳақда республика прокуратураси сайти орқали хабар қилинди. Шунингдек, эркак 3 минг рубль миқдорида жарима ҳам тўлайди.

Айтилишича, 20 июнь куни 31 ёшли Вячеслав Сиденов “Кооператор” бозори яқинида қўлга олиниб, полиция идорасига маъмурия ҳуқуқбузарлик тўғрисида баённома тузиш учун олиб келинган. Жавобгарликка тортилишдан қўрққан фуқаро полициячига 100 рубль пора таклиф қилган. Ҳуқуқ-тартибот ходими пулни олишдан бош тортиб, тегишли рапорт тузган.