Эстониядаги дўконларда "Эстонча глобус" сотилмоқда. Маҳаллий Postimees нашрига асосланиб РИА Новости нашрининг хабар беришича, бундай глобусларнинг алоҳида жиҳати шундаки, унда Россия харитаси мавжуд эмас.

Дўконлардаги глобуслар икки тилдаги ёзувлар билан тақдим этилмоқда: эстон ва рус тиллари.

Қайд этилишича, ушбу глобусларнинг дизайни бир хил бўлсада, уларнинг географик жиҳатлари турлича: глобусдаги мамлакатлар жойлашувида фарқлар бор.

"Русча глобус"да Москва ва Кремль мавжуд, Евроосиё ягона қитъа сифатида кўрсатилган. Европанинг баъзи ҳудудларида эса фақат ўрмонлар тасвирланган.

"Эстонча глобус"да эса Россия умуман жой олмаган. Евроосиё эса Европа ва Осиёга бўлинган.