Гарвардлик талабалар Гарвард мактаби гербини қулдорликка ишора бўлгани сабаб ўзгартирмоқчилар

Жаҳон 11 Ноябрь 2015 2454

Гарвард университети ҳуқуқ мактабида таҳсил олувчи бир гуруҳ талабалар билим масканининг расмий гербини ўзгартирмоқчилар, чунки унда 18-асрнинг йирик қулдорлари оилавий гербига тааллуқли жиҳатлар олинган ва АҚШдаги қулдорлик даврларига ишора бор. Бу ҳақда Fox News канали маълум қилди.

Гербда уч боғ буғдой тасвирланган, бу тасвир америкалик ер эгаси Кичик Исаак Рояллнинг оилавий гербидан олинган. Роялл Гарвард университети ҳуқуқ кафедрасига ўзининг ерини ҳадя қилган. Роялл тадбиркор бўлиб, ўзининг давлатини қуллар савдоси ҳисобига тўплаган. Унинг оиласи Кариб денгизи оролларидаги плантацияларда ва Массачусетсдаги уйида ўнлаб қулларни ушлаган. Роялл ўзининг қулларга ваҳшиёна муносабати, қотилликлари ва қийнашлари билан ном чиқарган.

Мактаб гербининг ўзгартирилишини талаб қилаётган талабалар “Роялл ағдарилиши керак” (Royall Must Fall) деган шиор билан кампус (университет ҳудуди) ҳудудида гербни олиб ташлашни талаб қилиб намойишлар ўтказмоқдалар. Улар бу ирқчилик рамзини ўқув корпуслари, футболка ва университетнинг бошқа рамзларида мағрурона барқ уриб туришини ҳақоратли деб айтишмоқда.

Ҳаракат ташкилотчиси 3-курс талабаси Брайан Клостербер герб “бу шарманда оилани” доимо эслатиб туришини айтди.

“Одамлар биз тарихни ҳурмат қилишимиз кераклигини айтишмоқда, бироқ менимча улар бу тарихни умуман билишмайди”, деб айтмоқда талаба.

Гарвард университетининг расмий вакиллари бу ҳолатга ҳозирча ҳеч қандай изоҳ беришмаяпти.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14166 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11458 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 46935 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8294 Ўзбекистон
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 200 Жамият
Макка шаҳридаги меҳмонхоналардан бирида ёнғин чиқди
16:40 1103 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1339 Lifestyle
Эгаси бўлмаган хонадонни 11,5 минг долларга сотиб юборган шахс ва унинг ҳамтовоқлари ушланди
16:25 1289 Жамият
Кўпроқ янгиликлар