"Лестер" жамоасининг 28 ёшли ҳужумчиси Жейми Варди "Реал"га ўтиши ҳақидаги хабарларни инкор этди.

"Буларнинг барчаси миш-мишдан бошқа нарса эмас. Мен ўз фаолиятимдан мамнунман ва "Лестер"да имкон қадар аввалгидек ўйнашда давом этмоқчиман.

Мавсум мен ва жамоа учун омадли кечмоқда", - дейди Варди Sky Sports нашрига берган интервьюсида.

Эслатиб ўтамиз, ҳужумчи октябрь ойида Англия чемпионатининг энг яхши футболчиси деб топилган эди. У жорий мавсумда АПЛнинг 12 турида 12та гол урди.