Ҳурматли ўқувчилар, эътиборингизга 11 ноябрь куни жаҳонда рўй берган энг асосий янгиликларни такроран ҳавола этамиз.

ОАВ: Сурия армияси икки йил қамалда бўлган Сурия авиабазаси қуршовини буза олди>>

Сурия ҳукумат қўшинлари Суриянинг шимолида икки йилдан бери қамалда бўлган авиабазанинг қуршовидан ўта олишди, деб хабар бермоқда Reuters ахборот агентлиги.

Москва полицияси экстремизм хавфи туфайли кучайтирилган тартибда ишламоқда>>

Москва полицияси экстремизм хавфи туфайли кучайтирилган тартибда ишламоқда, деб хабар бермоқда “Интерфакс” ахборот агентлиги. 

Бухарестдаги ёнғин туфайли қурбон бўлганлар сони 49 кишига етди>>

Руминия пойтахти Бухарест марказидаги машҳур тунги клублардан бирида 31 октябрга ўтар кечаси содир бўлган ёнғин натижасида қурбон бўлганлар сони 49 кишини ташкил этмоқда. 

Lufthansa борт кузатувчиларининг иш ташлашлари сабаб 100 минг кишининг чиптаси бекор бўлди>>

Германиянинг йирик Lufthansa авиаташувчиси 11 ноябрь куни 930га яқин рейсларни борт кузатувчиларининг иш ташлашлари сабабли бекор қилди, дея хабар берилди авиаташувчи расмий сайтида. 

Япониянинг илк реактив йўловчи самолёти синов парвозини муваффақиятли якунлади>>

Япониянинг янги Mitsubishi Regional Jet (MRJ) реактив йўловчи самолёти 11 ноябрь куни биринчи синов парвозини амалга оширди. Бу ҳақда Reuters хабар қилмоқда.

Обама Эронга қарши санкцияларни бир йилга узайтирди>>

АҚШ президенти Барак Обама Эронга қарши санкцияларни бир йилга узайтирди. Бу ҳақда унинг иккала палата раҳбарларига йўлланган мактуби ва тегишли ҳужжатда айтилди.

Чилида бир соат ичида 6,9 магнитудали иккинчи зилзила содир бўлди>>

11 ноябрда Чили соҳиллари яқинида бир соат ичида 6,9 магнитудали иккинчи зилзила содир бўлди. Бу ҳақда АҚШ Геологик хизмати маълум қилди.

Ҳиллари Клинтон АҚШнинг ИШИДга қарши уруш эълон қилишига ҳали эрта деб ҳисобламоқда>>

АҚШ президенти лавозимига номзод Ҳиллари Клинтон айни пайтда ИШИД террорчилик гуруҳига қарши уруш эълон қилиш ғоясини қўллаб-қувватламаслигини айтди, деб хабар бермоқда Associated Press ахборот агентлиги.   

Путин: Россия қуролланиш пойгасига кирмаяпти, балки қўлдан бой берилганнинг ўрнини тўлдирмоқда>>

Россия президенти Владимир Путин Россия қуролланиш пойгасига киришни истамаслигини айтди, деб хабар берди ТАСС ахборот агентлиги.

Миср парвозларнинг бекор қилинаётганидан бир ойда 273 млн доллар зарар кўрди>>

Европанинг бир қатор давлатлари томонидан Мисрга учиши керак бўлган авиарейсларнинг бекор қилингани мамлакат иқтисодиётига бир ой ичида 273 миллион доллар зарар етказиши мумкин. Бу ҳақда 11 ноябрь куни республика Туризм вазирлиги хабар қилди.

ОАВ: Бенгазияда ИШИД жангарилари билан тўқнашув вақтида 16 киши ҳалок бўлди>>

Ливиянинг Бенгазия вилояти ҳудудида қонуний ҳукумат тарафдорлари ва ИШИД жангарилари ўртасида юз берган тўқнашув натижасида камида 16 киши ҳалок бўлди

Independent: Яқин Шарқда христиан дини бутунлай йўқолиш хавфи остида>>

ИШИД жангарилари томонидан бошқа дин вакилларига нисбатан шафқатсизлик билан муносабатда бўлаётгани сабабли яқин ўн йилликда Яқин Шарқдаги бир қатор мамлакатларда христиан дини тўлиқ йўқ бўлиб кетиши мумкин, дея ёзмоқда The Independent нашри.

“Д’Артаньян ва уч мушкетёр” фильми режиссёри вафот этди>>

Москвада Росссиянинг машҳур режиссёри Георгий Юнгвальд-Хилькевич 81 ёшида вафот этди. Бу ҳақда РФ кинематографиячилари иттифоқи маълумотларига таянган ҳолда Интерфакс агентлиги хабар бермоқда.

Марказий Африка Республикасида БМТ тинчликпарвари ўлдирилди>>

Марказий Африка Республикасида мусулмон жангарилари билан бўлган қуролли тўқнашувда БМТ тинчликпарвари ҳалок бўлди. Бу ҳақда халқаро ташкилот матбуот хизмати хабар бермоқда.

«Мерседес» янгиланган SL дизайнини намойиш қилди>>

Mercedes-Benz компанияси янгиланган SL родстер (икки ўриндиқли усти очиқ ёки ёпиқ автомобиль) суратларини намойиш қилди. 

Йозеф Блаттер асаб тизимидаги муаммолар сабабли шифохонага тушиб қолди>>

90 кун муддатга футболдан четлатилган ФИФА президенти Йозеф Блаттер асаб тизимидаги муаммолар сабабли шифохонага ётқизилди. 79 ёшли швейцариялик мансабдорнинг ҳозирги ҳолати борасида аниқ маълумотлар берилмаган.

Рой Кин: Роналдуни мен "одам" қилганман, менсиз у ҳозирги даражага чиқа олмасди>>

"Манчестер Юнайтед" жамоасининг собиқ футболчиси Рой Кин ўзининг собиқ жамоадоши Криштиану Роналду ҳақида ҳазиломуз фикр билдирди.

Афғонистон полицияси норозилик намойиши чоғида ўт очди>>

Афғонистон полицияси Кобулдаги норозилик намойиши чоғида огоҳлантириш тартибида ҳавога ўқ узди, деб хабар беради Reuters агентлиги.

Эстонияда "Россиясиз глобус" ишлаб чиқилди>>

Эстониядаги дўконларда "Эстонча глобус" сотилмоқда. Маҳаллий Postimees нашрига асосланиб РИА Новости нашрининг хабар беришича, бундай глобусларнинг алоҳида жиҳати шундаки, унда Россия харитаси мавжуд эмас.