"Арсенал" жамоасининг чилилик ярим ҳимоячиси "Манчестер Юнайтед"нинг қизиқиш доирасига тушди.

Don Balon нашрида ёзилишича, "қизил иблислар" бош мураббийи Луи ван Гаал 26 ёшли футболчи билан гаплашган ва уни ўз жамоасига таклиф қилган ҳамда агар у "Олд Траффорд"га кўчиб ўтса, жамоанинг асосий футболчиси бўлишини ваъда қилган.

Манбанинг маълумотларига кўра, Санчесга "ПСЖ" жамоаси томонидан ҳам жиддий қизиқиш мавжуд. Парижликлар Роналдуни қўлга кирита олишмаса, Санчесга юзланишлари айтилган.
Қайд этилишича, Алексис Санчеснинг трансфер қиймати камида 50 млн фунтни ташкил қилади.

Маълумот учун, АПЛнинг жорий мавсумида Санчес "Арсенал" сафида 12та ўйин ўтказди ва 6та гол уриб, битта голли узатма муаллифи бўлди.