Ўзбекистон 96 фоизга аҳолининг озиқ-овқат маҳсулотларига эҳтиёжини ички ишлаб чиқариш ҳисобига қондиради

Ўзбекистон 11 Ноябрь 2015 2506

Ўзбекистон Миллий матбуот марказида Озиқ-овқат саноати корхоналари уюшмаси томонидан “Озиқ-овқат хавфсизлигини таъминлаш – устувор вазифа” мавзусида матбуот анжуман ўтказилди.

Ўзбекистонда 1990 йилда аҳолининг озиқ-овқат, асосан гўшт, сут ва қандолатчилик маҳсулотларига эҳтиёжи импорт ҳисобига қондирилган бўлса, унда бугунги кунда аҳолининг ушбу маҳсулотларга эҳтиёжи 96 фоизга республикада ишлаб чиқарилаётган маҳсулотлар ҳисобига қондирилмоқда.  

Матбуот-анжуманида 2015 йилнинг январь-сентябрь ойларида бутун республика бўйлаб саноат маҳсулотлари ишлаб чиқариши 10 трлн 114,5 млрд сўмни ташкил қилди (ўсиш суръати 116,5 фоиз), бунда Озиқ-овқат саноати корхоналари уюшмаси корхоналари томонидан 3 трлн 230 млрд сўмлик маҳсулот ишлаб чиқарилди. Ўсиш 2014 йилнинг шу даврига нисбатан 125,8 фоизни ташкил қилган.

Анжуманда нутқ сўзлаганлар айни пайтда Ўзбекистоннинг ҳар бир фуқароси бир ой ичида 40 турдаги озиқ-овқат маҳсулоти сотиб олиши мумкинлиги ва бунга ўртача иш ҳақининг 40 фоизи сарфланишини қайд қилдилар.

Мустақиллик йилларида гўшт истеъмоли аҳоли жон бошига 1,3 маротаба, сут ва сут маҳсулотлари 1,6 баробарга, қайта ишланган мева-сабзавот маҳсулоти истеъмоли эса деярли 4 баробарга ошган. Бу ўзбек аҳли турмуш тарзининг ўсиб бораётганидан гувоҳлик беради.

Таҳлилнинг кўрсатишича, республикада умуман олганда истеъмолнинг минимал даражаси асосан маҳаллий ишлаб чиқариш ҳисобига таъминланмоқда.

Озиқ-овқат саноати корхоналари томонидан 3 мингдан кўпроқ номдаги турли озиқ-овқат маҳсулоти ишлаб чиқарилмоқда ва озиқ-овқат маҳсулотлари ассортименти ҳар йили 80 та янги ном билан бойиб бормоқда.

Ишлаб чиқарилаётган маҳсулотларнинг сифатини таъминлаш мақсадида озиқ-овқат саноатининг 363 та корхонасида ISO-9001 халқаро сифат стандартлари ва тайёр маҳсулотлар хавфсизлиги халқаро сифат стандарти ISO-22000 жорий қилинган. 

Матбуот-анжуманда уюшма томонидан маҳаллий озиқ-овқат ва хомашё ишлаб чиқаришни барқарор ривожлантириш, бозорга хавфсиз озиқ-овқат маҳсулотлари ва истеъмол меъёрларида ўрнатилган ассортиментда етказиш бўйича чоралар амалга оширилаётгани таъкидлаб ўтилди. Бу чоралар республикада озиқ-овқат маҳсулотлари хавфсизлигини оширишга кўмак бериши керак.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20630 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 71099 Жамият
Кун.uz офис изламоқда
15:48 / 06.08.2017 38023 Lifestyle
Гватемалада жиноятчиларнинг шифохонага ҳужум қилиши оқибатида 7 киши ҳалок бўлди
08:51 52 Жаҳон
Саудия Арабистонида ҳукмрон оиладан бўлган яна бир шаҳзода вафот этди
08:46 755 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 588 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 714 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 947 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1574 Жаҳон
Кўпроқ янгиликлар