Ўзбекистон бизнес-логистика ривожи уюшмаси ва Латвия стивидор компаниялари уюшмаси Рига портида қўшма корхона ташкил қилиш бўйича келишувга эришди. Бу ҳақда уюшма президенти Улдис Папанс баёнот берди.

Ушбу келишув доирасида томонлар қўшма корхона лойиҳасинининг техник-иқтисодий асосланиши ва молиялаштирилиши борасида иш олиб боради.
“Биз Рига эркин порти ҳудудида қўшма корхона, хаб ташкил этишни таклиф қилмоқдамиз. Бу Ўзбекистон экспортчиларининг Европа бозоридаги позицияларининг мустаҳкамланишига олиб келади”, - таъкидлади Папанс.

Бундан ташқари, агентлик суҳбатдоши 2015 йилда икки давлат ўзаро транзит салоҳиятини ошириш борасидаги ишларни янада фаоллаштирганини эслатиб ўтди.