«Ўзбекистон темир йўллари» акциядорлик компанияси ўзининг Тожикистондаги муқобил ташкилоти билан юк ташишда икки томонлама чегирмалар бўйича келишувга эришишди.

Тожикистоннинг «Ховар» монопол ахборот манбасининг Тожикистон транспорт вазирлиги берган маълумотга таяниб хабар беришича, «Ўзбекистон темир йўллари» ташкилотга нефть маҳсулотлари, алюмин ва алюмин кукунларини Қудуқли-Келес ва Қудуқли-Қорақалпоқ темир йўллари орқали олиб ўтишда чегирма (имтиёзли коэффициент миқдори - 0,85) қилиш бўйича телеграмма келиб тушган.

Музокаралар давомида Болдир ва Қудуқли темир йўли бўйича коэффициент (1,83) ҳам 2015 йилнинг 31 декабрига қадар олиб ташланган.

Ўз навбатида, Тожикистон томони ҳам (0,7 ва 0,85 коэффициентда) Ўзбекистондан Тожикистон темир йўлининг транзит ҳудудларига (Истиқлол ва Спитамен) юк олиб ўтиш бўйича чегирмалар киритилган телеграмма жўнатган.