Range Rover оиласида биринчи марта кабриолет пайдо бўлди

Технология 11 Ноябрь 2015 3900

Land Rover компанияси Range Rover Evoque кроссоверининг серияли тарзда ишлаб чиқарилувчи Rover Evoque Convertible усти очиқ версиясини тақдим қилди. Янги модель Range Rover оиласида биринчи кабриолет бўлди.

Кроссовер матоли Z-симон механизмга эга йиғилувчи том билан жиҳозланди, у орқа ўриндиқлар орқасига йиғилади. Томнинг йиғилиши ва кўтарилиши тўлиқ автоматлаштирилган. Том 18 сония ичида йиғилади ва 21 сонияда кўтарилади. Буни соатига 48 км тезлик билан амалга ошириш мумкин.

Томнинг қандай ҳолатда эканлигидан қатъи назар Range Rover Evoque’нинг юкхонаси ҳажми 251 литрни ташкил қилади. Машинанинг қаттиқ томли беш эшикли модификациясида юкхона ҳажми 575 литрни, уч эшиклисида эса 550 литрни ташкил қилади.

Усти очиқ йўлтанламас ағдарилиш эҳтимолига қарши йўловчиларни ҳимоялаш тизими билан жиҳозланди. У иккита алюминий балкадан иборат бўлиб, автомобилнинг орқа қисмидаги кузов элементлари тагига яширилган. Бу балкалар машина ағдарилиш хавфи юзага келганда 90 миллисония ичида ташқарига чиқиб, йўловчиларнинг машинадан улоқтирилиши олдини олади.

Range Rover Evoque Convertible модели янги 10,2 дюймли сенсорли экранга эга InControl Touch Pro мультимедиа тизими, тўлиқ привод, бошқарувчи электроника иш режимларини ўзгартирувчи тизим Terrain Response билан жиҳозланган.

Компания янги моделни Ingenium оиласига мансуб, бензин ёки дизель ёнилғида ишловчи иккита тўрт цилиндрли двигатель билан таклиф этади. Бензинли двигателнинг қуввати 240 от кучини, дизеллиники эса 180 от кучини ташкил қилади. Иккала мотор ҳам 9 поғонали ZF автоматик узатмалар қутиси билан жуфтликда ишлайди. Range Rover Evoque Convertible 2016 йилнинг баҳоридан 170 та давлатда сотувга чиқарилади.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 44840 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15233 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95031 Ўзбекистон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 11 Жаҳон
Европада Барселонадаги терактлардан кейин хавфсизлик чоралари кучайтирилди
08:01 83 Жаҳон
Барселона яқинида яна бир теракт амалга оширилди
07:08 1190 Жаҳон
Барселонадаги теракт учун жавобгарликни ИШИД ўз зиммасига олди
07:03 1333 Жаҳон
Хитойдаги кимё заводида кучли портлаш юз берди
00:33 2865 Жаҳон
Кекса немис Исландияга эски тракторда саёҳатга жўнади
00:24 1839 Жамият
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 3175 Жаҳон
Кўпроқ янгиликлар