АҚШнинг Сиэттл шаҳри ҳукумати шаҳардаги машҳур "Сақичли девор"ни йўқ қилиш ҳақида қарор чиқарди. Бу ҳақда The Seattle Times нашри хабар тарқатган.

Турли ранглардаги сақичлар ва резиналар ёпиштириб ташланган бу девор сайёҳларни ўзига жалб қилиб келмоқда эди.

Шаҳар аҳолиси 20 йил олдин Пайк-Плейс-Маркет бозори рўпарасидаги оддий деворга сақичлар ёпиштиришни бошлаганди. Бу девордан ўтгач, шаҳар театри биноси жойлашган.

Шаҳар ҳокимиятидаги амалдорларнинг аниқлашича, бу девор сайёҳлар биалн биргаликда каламушларни ҳам ўзига жалб қилмоқда.

Шундан сўнг, тегишли қарор қабул қилинган ва махсус ходимлар деворни сақичлардан тозалашни бошлаган. 3 кун ичида девор тозаланиши кераклиги ҳақида кўрсатма берилган.

20 йил давомида деворга ёпиштирилган сақичларнинг жами миқдори 1 тонна чиқиши мумкин.

Шаҳарликлар бу деворга сақичларни асосан юрак кўринишида ёпиштиришни одат қилишганди.