Тошкент автомобиль-йўллар институтига киритиб қўйиш эвазига одамлардан алдов йўли билан пул ундириб юрган жиноятчилар гуруҳи қўлга олинди. Бу ҳақда “Ҳуқуқ” нашри ёзмоқда.

Гуруҳ аъзолари Мавлон Самадов, Латифжон Нурқулов ва унинг ўғли Дилмурод Нурқуловлар эдилар. Улар аниқ белгиланган сценарий бўйича “ўлжа” топиб, уларни алдашган. Уларнинг “мижоз”лари фарзандлари ўқишга кира олмаган ота-оналар эди.

Бу тоифадаги инсонларни осонлик билан алдаган қаллоблар улардан “гаплашиб бериш”, “киргизиб қўйиш” баҳоналари билан осонликча пул ундиришган.
Шу тариқа М. Бакировдан 4.5 минг доллар, У. Холметовадан 5 минг доллар, Э. Мурадовадан 1.5 минг доллар олинган.

Лекин улар тегишли идоралар ходимлари томонидан қўлга олинди.
Суд ҳукми билан гуруҳ раҳбари Л. Нурқулов 5.5 йилга озодликдан маҳрум қилинди.