Лондоннинг «Арсенал» клуби бош мураббийи Арсен Венгер футболдаги допинг можаролари ҳақида ўз фикрлари билан ўртоқлашди.

«Мен ҳаётда муҳим деб ҳисоблаган қадриятларга содиқ бўлишга ҳаракат қиламан ва биз бошқаларга ҳам худди шуларни улашишга ҳаракат қиламиз».

«30 йиллик мураббийлик фаолиятим давомида бирорта шогирдим фаолликни оширадиган қўшимча воситалардан фойдаланмаган. Мен уларга ҳеч қачон бундай нарса бермаганман. Барча ишлар профессионал ғурур билан амалга оширилган. Мен мана шунақа ғурурли деб бўлмайдиган бир қанча жамоаларга қарши ўйнаганман».

«Ҳозирда спортда жуда хавфли давр ҳукм сурмоқда. Кимдир ҳозир қандай йўл билан бўлмасин ғалаба қозонишидан қатъий назар уларни мақташга тушамиз. Ўн йиллар вақт ўтиб эса ўша даврда биринчи бўлган аслида ҳаммани алдаган, иккинчи ўринни олган эса шу давр мобайнида жабр чекиб келган ва тан олинмаган бўлиши мумкин», дея Венгернинг сўзларидан иқтибос келтиради ESPN.