Вьетнамнинг бюджетдаги авиаташувчиси VietJet Air 30 дона Airbus А321 йўловчи самолёти буюртма қилганини маълум қилди, деб хабар бермоқда Reuters.

Компания вакилининг ойдинлик киритишича, буюртма 9 дона А321ceo самолётига, 21 дона А321neo самолётига қилинган. Ушбу моделлар бир-биридан двигателлари борасида фарқ қилади.

“Бизнинг олиб борган ушбу чора-тадбиримиздан мақсад, қўшимча А321 самолётлари ёрдамида ички ва халқаро парвозларимизда йўловчилар сонини оширишдан иборат”, — деб таъкидлаган у.

Маълум бўлишича, сўнгги ҳафталарда Airbus да ҳам, Boeing да ҳам янги буюртмалар миқдори тушиб кетган.