Япониянинг илк реактив йўловчи самолёти синов парвозини муваффақиятли якунлади

Жаҳон 11 Ноябрь 2015 5046

Япониянинг янги Mitsubishi Regional Jet (MRJ) реактив йўловчи самолёти 11 ноябрь куни биринчи синов парвозини амалга оширди. Бу ҳақда Reuters хабар қилмоқда.

Аввал хабар қилганимиздек, самолёт Нагоя аэропортидан парвозга кўтарилиб, бир соатдан сўнг худди шу ҳаво бандаргоҳига қайтиб келди. Унинг парвози Mitsubishi Aircraft Corporation компания сайтида тўғридан-тўғри трансляция қилинди.
Таъкидлаш жоизки, MRJ яратувчилари унинг устида етти йил давомида иш олиб боришди. Самолётнинг биринчи намунаси эса 2014 йилнинг октябрь ойида намойиш қилинган эди. У 2017 йилнинг июнидан туркум ишлаб чиқарилади ва сотувга қўйилади.

Бугунги кунга қадар мазкур ҳаво кемасининг 223 донасига буюртма берилган. Жумладан, 32та реактив самолётни Japan Airlines сотиб олади, 100 донасига эса Американинг Trans минтақавий авиаташувчиси харидор бўлмоқда. Mitsubishi кучли рақобат муҳити мавжуд бўлган бозорда 2 мингдан зиёд самолётларни сотиб, Канаданинг Bombardier Inc. ҳамда кичик йўловчи самолётлари ишлаб чиқариш бўйича жаҳонда иккинчи ўринда турган Бразилиянинг Embraer SA компанияларидан ўзиб кетишни режалаштирмоқда.

Техник хусусиятларига келсак, MRJ самолётининг парвоз масофаси 1,8-3,7 минг километрни ташкил этади. Модел бир неча модификацияда тақдим этилади: 76 ва 88 ўринли. MRJ`нинг энг устун жиҳати — унинг тежамкорлигидир. У ўз тоифасидаги самолётларга қараганда 20 фоиз кам ёнилғи сарф қилади.

Яна бир аҳамиятли жиҳати шундаки, MRJ —қарийб ярим аср мобайнида илк бор туркум ишлаб чиқилган ва тижорий жиҳатдан қийматга эга биринчи япон самолётидир. Бунга қадар мамлакатда 1962 йилда турбовинтли YS-11 самолётлари ишлаб чиқарилган. Бироқ уларнинг 200 донадан камроғи сотилган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 16918 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69189 Жамият
Кун.uz офис изламоқда
15:48 / 06.08.2017 37526 Lifestyle
"Реал" Испания Суперкубоги соҳиби!
04:08 6808 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2586 Жаҳон
Саакашвили Украинага қачон қайтишини маълум қилди 
01:15 3256 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 3029 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар