18 ёшдан 34 ёшгача бўлган америкалик аёллар тобора ота-оналари ёки бошқа қариндошлари билан яшашни афзал кўрмоқдалар. Бу ҳақда Associated Press ахборот агентлиги Pew Research Center тадқиқотига иқтибос келтирган ҳолда хабар бермоқда.

Экспертлар АҚШ аҳолини рўйхатга олиш бюроси маълумотларини ўрганиб, 2014 йилда 18 ёшдан 34 ёшгача 36,4 фоиз америкалик аёл ота-оналари ёки бошқа қариндошлари билан яшаганлигини аниқлашди. Бу 1940-йиллардан бери энг катта кўрсаткич бўлди, ўша кезларда
36,2 фоиз америкалик аёллар оилалари билан яшашни афзал кўришган.

Ота-онаси ёки бошқа қариндошлари билан яшашни хуш кўрган америкалик ёш йигитлар 42,8 фоизни ташкил қилган (1940 йилдаги 47,5 фоизга нисбатан).

Таъкидланишича, ёш йигит-қизлар 2000 йилдан кейин кўпроқ уйда қолишни ёки унга қайтишни бошлашган. 2000-йиллар охиридаги уй-жой бозоридаги сусайиш ва пасайиш оқибатида юзага келган иқтисодий мавҳумлик сабабли бу жараён фаоллашган.