"ПСЖ" жамоасининг швециялик ҳужумчиси Златан Иброҳимович журналистлар билан суҳбати вақтида ўзининг келажакдаги режалари ҳақида сўзлаб берди.

"Футбол атрофидаги нарсалар мени аввалгидан кўра кўпроқ қизиқтирмоқда. Илгари мен кўплаб таклифлар олардим, уларни ўйлаб ҳам ўтирмай, рад этиб, бошқасини қабул қилаверардим. Ҳозир футбол худди олдингидек энг аосийси, бироқ энди қарорни футболчи сифатида қабул қиламан.

МЛС? Ҳаммаси ўзимга боғлиқ. Бу жуда жиддий лойиҳа бўлиши керак. Менинг бу борада ўз режаларим бор ва нимани истаётганимни ўзим яхши биламан.

Мен жуда яхши формадаман ва ўзимни майдонда фойдали ҳис этяпман. Менинг танам — худди машинадек: қанча яхши бошқарсанг, шунча яхши юради. Менинг ёшим тўхташга сабаб бўлолмайди", — дейди Иброҳимович La Gazzetta dello Sport нашрига берган интервьюсида.

Маълумот учун, 34 ёшли бу футболчи Франция чемпионатининг жорий мавсумида 8 учрашув ўтказди ва 9та гол уриб, 5та голли узатма муаллифи бўлди.

Бироз олдинроқ, унга 10-марта Швециянинг энг яхши футболчиси учун мукофот топширилганди.