Adidas компанияси Франция мезбонлик қиладиган Европа чемпионати учун тайёрлаган тўпини намойиш қилди.

Париж шаҳрида ўтказилган тақдимотда франциялик собиқ футболчи Зинедин Зидан томонидан оммага кўрсатилган ушбу тўплар Beau Jeu («Чиройли ўйин») номини олган.

"Мен Евро-2016 турнири тўпини намойиш қилганимдан фахрланаман", дея ёзган Зидан ўз Инстаграмида.

Ушбу тўпда Франция рамзлари бўлмиш ранглар акс этган: кўк, оқ ва қизил. Унда шунингдек, турнир белгиси, "E", "U", "R", "O" ҳарфлари ҳамда "2", "0", "1", "6" рақамлари туширилган.

Эслатиб ўтамиз, Францияда 2016 йилнинг 10 июнидан 10 июлигача бўлиб ўтадиган Евро-2016 турнирида илк марта 24 терма жамоа иштирок этади.