Мустақил давлатлар ҳамдўстлиги чегара маҳкамаси ҳамдўстликнинг Афғонистон билан туташ ташқи чегараларидаги мураккаб вазиятдан хавотирда. Бу ҳақда МДҲ давлатлари чегара қўшинлари қўмондонлик кенгашининг мувофиқлаштирувчи хизмати вакили Александр Манилов маълум қилди.

“Барча МДҲ давлатларининг чегара маҳкамалари раҳбарияти нафақат бизнинг ташқи чегараларимиз атрофида, балки Сурия ва бошқа мамлакатларда ИШИД ва бошқа террористик гуруҳлар жангариларининг фаоллиги ошганидан хавотирда”, - дейди Манилов Остонада бўлиб ўтган МДҲ давлатлари чегара маҳкамаларининг 74- мажлиси доирасида ташкил этилган брифингда.

“Ҳисоб-китобларга кўра, МДҲ давлатларининг Афғонистон билан бевосита чегаралари яқинида 4,5 минг террорист тўпланган”,- дея ахборот берди у. Манилов сўзларига кўра, МДҲ давлатлари чегараларини мустаҳкамлаш мақсадида бир қатор қўшимча чора-тадбирлар амалга оширилмоқда. Жумладан, Тожикистон ва Қирғизистонга чегараларни мустаҳкамлаш учун кўмак кўрсатилмоқда.