Европа Иттифоқи раҳбарлари ва уларнинг Африкадаги ҳамкасблари миграция инқирозига қарши курашиш мақсадида махсус жамғарма тузиш ва Африка мамлакатларига 1,8 млрд евро ажратиш қарорини тасдиқлашди. Бу ҳақда Deutsche Welle маълум қилмоқда.

Еврокомиссия раиси Жан-Клод Юнкернинг умид билдиришича, келажакда Европа Иттифоқи аъзолари жамғармани қўшимча ресурслар билан таъминлаб, шу тариқа қиймат миқдорини икки баробарга оширишга муваффақ бўлишади.
Моддий таъминот ёшлар учун янги иш ўринлари яратиш, уюшган жиноятчиликка қарши курашиш ва чегараларни мустаҳкамлашга йўналтирилади.