12 ноябрь куни Санкт-Петербург шаҳар суди болалар реабилитацияси марказида вафот этган беш ойлик Умарали Назаровнинг онасини Россиядан чиқариб юбориш юзасидан киритилган даъвони рад этди. Бу ҳақда “Фонтанка” нашри хабар бермоқда.

Октябрск туман судининг судьяси Умарали Назаровнинг онаси Зарина Юнусовани Россия ҳудудида ноқонуний юргани боис, тўрт гувоҳнинг келтирган кўп далилларига қарамай уни мамлакат ҳудудидан чиқариб юбориш ҳақида ҳукм чиқарди.

Тожикистон фуқаросига ўз ўғлининг ўлими жиноят иши билан боғлиқлиги ва у жабрдийда бўлиб қолаётгани ҳам ёрдам бермади. Аёл суд қарорига мувофиқ Россия ҳудудини 15 кун ичида тарк этиши керак.

Эслатиб ўтамиз, Россия миграция қонунчилигини бузган Тожикистон фуқароси Зарина Юнусова қўлга олинган эди. У билан бирга беш ойлик ўғли Умарали Назаров ва боланинг тоғаси Далер Назаров ҳам бўлган. Зарина ва Далерни ҳисга олишади, болани эса болалар ижтимоий ва тиббий реабилитация марказига жўнатишади. Аммо 14 октябрь куни бола вафот этади.