Шу ҳафтанинг охирида Сурияда тинчлик ўрнатиш бўйича навбатдаги музокаралар ўтказилади, аммо барча томонларни қониқтирадиган шартлар асосида муросага келиш қийин, деб ҳисоблайди The Independent колумнисти.

Айтилишича, Венадаги учрашувда вакиллари иштирок этадиган мамлакатлар орасида Асад тарафдорлари (Россия ва Эрон), Асаднинг душманлари (Туркия ва Саудия Арабистони), шунингдек, бу борада бир тўхтамга кела олмаётганлари (АҚШ ва Буюк Британия) бор.

Таъкидланишича, музокараларнинг муваффақият билан бориши Россиянинг позициясига боғлиқ. Аммо бу борада бир тўхтамга келишга нафақат ихтилоф томонларининг муросасизлиги, балки иштирокчи давлатларнинг ўзаро келишмовчиликлари ҳам тўсқинлик қилади.
“Суриядаги тартибсизликлар, уруш ҳали тугамаслиги мумкин. Бунга давлатларнинг амбициялари тўсқинлик қилади”, - хулоса қилади журналист.