Ҳурматли ўқувчилар, эътиборингизга 12 ноябрь куни жаҳонда рўй берган энг асосий янгиликларни такроран ҳавола этамиз.

Афғонистоннинг МДҲ билан чегараларига 4,5 минг жангари тўпланган>>

Мустақил давлатлар ҳамдўстлиги чегара маҳкамаси ҳамдўстликнинг Афғонистон билан туташ ташқи чегараларидаги мураккаб вазиятдан хавотирда. Бу ҳақда МДҲ давлатлари чегара қўшинлари қўмондонлик кенгашининг мувофиқлаштирувчи хизмати вакили Александр Манилов маълум қилди.

Independent: Суриядаги уруш ҳаливери тугамайди>>

Шу ҳафтанинг охирида Сурияда тинчлик ўрнатиш бўйича навбатдаги музокаралар ўтказилади, аммо барча томонларни қониқтирадиган шартлар асосида муросага келиш қийин, деб ҳисоблайди The Independent колумнисти.

Turkish Airlines Россиядаги энг йирик авиаташувчи бўлди>>

Туркия миллий авиакомпанияси Turkish Airlines Россиядаги энг йирик авиаташувчи бўлиб қолмоқда. Компаниянинг 2015 йилда Россияга қатновлар йўналиши 16 фоизга ошган.

Финляндияда мусулмонлар сони православ сонидан ортиб кетди>>

Қочқинлар оқимининг кучайиши натижасида Финляндияда мусулмонлар сони православ сонидан ортиб кетди. Бу ҳақда Yle нашри хабар бермоқда.

ОАВ: Ироқда уюштирилган 2 теракт оқибатида 20 киши ҳалок бўлди>>

Ироқнинг ал-Фаллужа шаҳрида содир этилган 2 портлаш оқибатида ҳукумат армияси ва кўнгиллиларнинг 20 нафар вакили ҳалок бўлди. Бу ҳақда Al Jazira телканали хабар бермоқда.

Астрономлар Қуёш тизими яқинида янги сайёра кашф қилишди>>

Америкалик олимларнинг таъкидлашича, ушбу сайёра жуда иссиқ ва унда ҳаёт учун шароитлар бўлиши амри маҳол.

Air Force Times: F-35 қирувчиларини сотиб олишга АҚШ ҲҲКнинг пули етмайди>>

АҚШ ҳарбий ҳаво кучлари раҳбарияти бешинчи авлод Lockheed Martin F-35 кўп вазифали қирувчи-бомбардимончи самолётларини сотиб олишга бўлган иштаҳасини жиловлашига тўғри келади: агарда маҳкама ўз сўровларини қисқартирмаса, ажратилган бюджет маблағлари қолган қурол-яроғ ва техникаларни сотиб олишга етмай қолади, дея хабар бермоқда Air Force Times.

Ҳиндистонда тошқин оқибатида 20га яқин киши ҳалок бўлди>>

Ҳиндистоннинг Тамилнад штати ҳамда Пудучерри иттифоқчи ҳудудида бўрон ва тошқин оқибатида камида 19 киши ҳалок бўлди. Бу ҳақда NDTV телеканали хабар берди.

АТЭС саммитига Путин ўрнига Медведев боради>>

Филиппинда 18-19 ноябрь кунлари бўлиб ўтадиган АТЭС саммитида Россия президенти Владимир Путин ўрнига бош вазир Дмитрий Медведев иштирок этади.

Озарбайжон Алоқа ва юқори технологиялар вазири лавозимидан озод этилди>>

Озарбайжон Алоқа ва юқори технологиялар вазири Али Аббосов 12 ноябрь куни ўз лавозимидан озод этилди. Бу ҳақдаги қарор мамлакат президенти Илҳом Алиев томонидан имзоланган.

Болалар семизлиги камбағаллар касаллиги деб тан олинди>>

Шифокорлар ота-онаси камбағал бўлган болалар кўп ҳолларда семизликдан азият чекади, дея маълум қилишди. Бу борада ўтказилган тадқиқотлар натижаси Preventive Medicine журналида чоп этилди.

Қирғизистонлик шифокорлар шахсий манфаати учун беморларга қиммат дориларни ёзиб беришда айбланди>>

Қирғизистонда шифокорлар ўз фойдаси учун беморларга қиммат турувчи дори воситаларини ёзиб бераётганликда айбланди. Бу ҳақда 12 ноябрь куни мамлакат парламенти депутати Акилбек Султанов маълум қилди.

NYT: Трамп америкаликларнинг маошлари ҳаддан ортиқ баланд деб ҳисоблайди>>

АҚШ президентлиги учун номзодлардан бири Дональд Трамп энг кам иш ҳақи миқдорининг оширилишига қаршилигини билдирди. The New York Times нашрида ёзилишича, у америкаликлар учун шундоқ ҳам юқори маошлар тўланмоқда, деб ҳисоблайди.

Сочи аҳолиси бўрон хавфи ҳақида огоҳлантирилди>>

Россиянинг Сочи шаҳрида давом этаётган кучли ёмғирлар ва қор туфайли бўрон хавфи юзага келиши хавфи ҳақида эълон қилинди. Шаҳар ҳокимияти сайтида ёмғир туфайли дарёдаги сувларнинг тошиши мумкинлиги ҳақида хабар қилинган.

Европа Иттифоқи ва Африка мамлакатлари миграция борасида ҳаракат режасини қабул қилди>>

Европа Иттифоқи ва Африка мамлакатлари миграция инқирозига қарши кураш ҳаракатлари қўшма режасини қабул қилди. Бу ҳақда Валеттада ўтган Европа Иттифоқи—Африка саммити сўнггида ЕИ кенгаши вакили маълум қилган.

Россияда ИШИД сафига ёлланган тожикистонлик Афғонистонда қўлга олинди>>

Афғонистон ҳуқуқни муҳофаза қилиш органлари ходимлари ИШИД сафига қўшилиш учун мамлакатга келган Тожикистон фуқаросини қўлга олишди. Бу ҳақда Афғонистон Миллий хавфсизлик хизмати бош бошқармаси матбуот хизматига асосланиб, "Интерфакс" нашри хабар берди.

Жаҳон банки Тожикистонни самарали ва манзилли ижтимоий ҳимоя тизимини ривожлантиришга чақирди>>

Жаҳон банкининг Европа ва Марказий Осиё минтақаси бўйича вице-президенти Сирил Мюллер Тожикистонга ташрифи жараёнида республика раҳбариятини фуқаролар, айниқса, аҳолининг камбағал ва заиф қатламининг турмуш шароитини яхшилашга йўналтирилган тузилмаларни ислоҳ қилишга чақирди, дея хабар қилди банк матбуот хизмати.

Қирғизистонда янги ислом банки очилади>>

Қирғизистонда ислом банкинги принциплари асосида ишловчи янги молиявий муассаса ташкил этилади. Бу ҳақда мамлакат миллий банки хабар берди.

Йозеф Блаттер шифохонадан чиқди>>

11 ноябрь куни шифохонага ётқизилгани хабар қилинган ФИФА президенти Йозеф Блаттер бугун шифохонани тарк этди. Бу ҳақда Reuter нашри хабар берди.

Венгрия терма жамоаси собиқ дарвозабони 32 ёшиди вафот этди>>

Футбол бўйича Венгрия терма жамоаси собиқ дарвозабони Мартон Фулоп 32 ёшида саратон хасталиги туфайли оламдан ўтди. Бу ҳақда Daily Mail нашрининг твиттери орқали хабар берилган.

Adidas Евро-2016 турнири учун ишлаб чиқилган тўпни намойиш қилди>>

Adidas компанияси Франция мезбонлик қиладиган Европа чемпионати учун тайёрлаган тўпини намойиш қилди.

As: «Челси» ёзда Криштиану Роналдуни харид қилишга уриниб кўради>>

«Челси» мавсум якунланганидан кейин «Реал» ҳужумчиси Криштиану Роналдуни қўлга киритишга уриниб кўради.