«Локомотив»нинг икки футболчиси Англия клуби сафида дебют қилди

Спорт 12 Ноябрь 2015 2931

Англиянинг биринчи дивизион вакили “Флитвуд Таун” сафида ўз маҳоратини ошираётган “Локомотив”нинг икки нафар тарбияланувчиси – Рустам Нартажиев ва Сергей Прохоров ушбу жамоа сафида ўз дебютларини нишонлашди.

Дарвозабон ва ҳимоячи “Карлайл Юнайтед” билан кечган беллашувнинг иккинчи бўлимида майдонга тушишди. Бу ўйин ўртоқлик мақомига эга бўлиб, унда “Флитвуд Таун” футболчилари 1:2 ҳисобида ютқазиб қўйишди.

Ўйиндан сўнг дарвозабон Рустам Нартажиев ўз фикрларини билдириб ўтди.

“Мен янги жамоам сафида илк бор майдонга тушганимдан хурсандман. Бу мен учун биринчи учрашув бўлди ва ютқазган бўлишимизга қарамай, ўйиндан роҳат олдим. Ўзбекистонда футбол бирмунча секин, аммо Англияда анча тез ўйналаркан. Англияда шуғулланиб Прохоров иккаламиз анча маҳоратни ошириб боряпмиз. Бу келажакда асқотади деб умид қиламан”, дейди у.

Эслатиб ўтамиз, "Локомотив" профессионал футбол клуби ҳамда Англиянинг "Флитвуд Таун" ўртасида ҳамкорлик шу йилнинг апрель ойида бошланган бўлиб, ёзда клуб вакиллари Стив Курвуд ҳамда Гретар Стейнссон Тошкентга келишганди.

Кўпроқ янгиликлар