"Барселона" жамоаси ҳужумчиси Лионель Месси жароҳат олиб сафдан чиққанидан бери илк марта умумий гуруҳ билан машғулотларда қатнашди. Бу ҳақда AS нашри хабар берган.

Маълум қилинишича, у машғулот ўйини вақтида гол ҳам урган.

Қайд этиш керакки, "Барселона" жамоаси матбуот хизмати бу футболчининг машғулотларга киришганини яширмоқчи бўлган. Матбуот эса буни сезишга муваффақ бўлган.

Эслатиб ўтамиз, Месси сентябрь ойи охирида, Ла лига доирасида "Лас Палмас" жамоасига қарши ўтказилган баҳсда жароҳат олган ва 2 ойга сафдан чиққанди.

Шифокорлар унинг "Реал"га қарши 21 ноябрь куни ўтказиладиган "Эл-класико" баҳсида иштирок этмаслиги кераклигини айтишганди.