Ўтган ҳафта мобайнида Ўзбекистон ҳудудида 261та ёнғин қайд этилган. Турли сабабларга кўра содир бўлган ёнғинларда 4 нафар фуқаролар тан жароҳатлари олишган. Ушбу ёнғинларда 511 млн сўмдан ортиқ қурилиш конструкциялари ва 684 млн сўмга яқин моддий бойликлар ёнғиндан сақлаб қолинган.

Қашқадарё вилояти Яккабоғ туманида яшовчи фуқаро Х.Тохировнинг уйида иситиш печининг дудбурони қизиб кетиши натижасида ёнғин содир бўлиб, уйнинг 45 кв.м. майдонда томи ва шифт қисми ёниб зарарланган.

Тошкент шаҳар Олмазор туманида яшовчи фуқаро А.Акбаровнинг уйида пахта ёғини доғлаш учун газ плитасига қўйиб, назоратсиз қолдирилиши оқибатида ёнғин содир бўлиб, уйнинг 50 кв. метр майдонда томи, шифт қисми ва уй жиҳозлари ҳамда қўшнисининг уйини 60 кв. метр майдонда томи, шифт қисми ва уй жиҳозлари ёниб зарарланган.

Фарғона вилояти Қўқон шаҳрида яшовчи фуқаро А.Азизовнинг уйида сигарета чекишда эҳтиётсизлик оқибатида ёнғин содир бўлиб, уйнинг 100 кв. метр майдонда томи, шифт қисми ва уй жиҳозлари ёниб зарарланган.