12 ноябрь куни Алишер Навоий номли Ўзбекистон миллий кутубхонасида Россиянинг “Главная сцена” лойиҳаси ғолиби Сардор Милано ва “Голос дети” танлови ғолибаси Сабина Мустаева билан ижодий учрашув бўлиб ўтди. Учрашувда ОАВ ходимлари, мухлислар иштирок этди.

Тадбир кутубхона қошида ташкил этилган инглиз тили хаваскорларининг ёш ижодкорларга бағишланган видео-ролик намойиши билан бошланди. Тадбир давомида қаҳрамонлар санъат оламига қўйган илк қадамларини ёдга олиб, келажакдаги ижодий режалар ҳамда режалаштирилаётган концерт дастурлари ҳақида йиғилганларга маълумот бериб ўтди.

Жумладан, Сардор Милано ўз яккахон концертини ўтказиш учун барча зарур тайёргарликлар кўрилгани, унинг қачон ташкил этилиши ҳақида яқин кунларда маълум қилишини айтиб ўтди

Ёш санъаткорлар мухлисларни қизиқтирган турли саволларга жавоб беришди.

Миржаҳон Юсупов, ЎзДЖТУ талабаси.