Олий тоифага мансуб Rolls-Royce автомобилларини ишлаб чиқарадиган компания ўзига хос “қайтариб олиш кампанияси” ҳақида эълон қилди. The Financial Times нашрининг хабар қилишича, компания фақатгина битта машина – Ghost русумидаги седанни қайтариб олди.

Компания вакилларининг ойдинлик киритишича, машиналарни мижозларга етказишдан олдин ўтказилган текшириш жараёнида хавфсизлик ёстиқларидан бирининг нотўғри маркалангани аниқланган. Бунда машина маркаланиш туфайли хавфсиз бўлиб қолмаган, балки “Rolls-Royce ҳар бир деталгача диққат қаратишини намойиш қилишнинг яхши усули”.

Нашрнинг қайд этишича, қайтариб олинган модел Шарқий Суссекс (Англия)даги Гудвуд заводида 2014 йилнинг январида ишлаб чиқарилган ва ҳозирга қадар Шимолий Америкадаги харидорга етиб бормаган.