Туркия миллий авиакомпанияси Turkish Airlines Россиядаги энг йирик авиаташувчи бўлиб қолмоқда. Компаниянинг 2015 йилда Россияга қатновлар йўналиши 16 фоизга ошган. Бу ҳақда Bloomberg Intelligence манбасига асосланиб, Bloomberg агентлиги хабар бермоқда.

Айни вақта компаниянинг Россияга парвоз уюштирувчи рақобатчиларининг кўрсаткичи 43 фоизга тушиб кетган. Жорий йилнинг сентябрь ойида Turkish Airlines авиакомпанияси шу йилда ўз парвозларини 31 фоизга камайтирган Deutsche Lufthansa AG компаниясидан фарқли равишда кўпроқ рейсларни амалга ошириш таклифи билан чиқди.


Агентлик маълумотига кўра, россияликлар рубль қиймати тушиб кетгач, кам саёҳатга борадиган бўлишди. Шу боис Lufthansa, British Airways ва SAS AB сингари авиакомпаниялар Россия бозорини тарк этишни режалаштиришмоқда.